السبت، 29 مايو، 2010

قلوبٌ حوتني ♥



ماذا أكتب فيكم !
لا أستطيع ان أُعبّر بما يحوي القلب من مشاعر  =")
تارةً ابتسم و أخرى اضحك و في عيني ألفُ دمعه
لا تسئلوني كيف تبكين و تضحكين في آنٍ واحد !
اختلطت مشاعري
أضحكُ من فرحتي بِـ نِعم ربّي
و أبكي لأن هناك مكاناً سيخلو من ( حبي )

لك الحمد ربي رزقتني قلوبٌ تحويني
أيآا " غيمتي " الا تعلمين كم نبضة ينبضها قلبي عندما فقط أبعث لكِ [ =") ]
دائما يكون الرد ماذا يا حبي ؟  =")
هذه تكفيني , قد تُضحكني و قد تُبكيني !
أيآ غيمتي كيف ستكون سمآئي من دونكِ في عامي القادم !!
عندما أخطو خطواتي نحو ( الحديقه )
لا أظن بـ أنّي سأفكر بالذهاب إليها و انتي في القلب لا بالقرب ="

رزقتني " توأم الطُهر "
بهما من التفاؤل الكثير
سعاده , أمل ,  بالدعآء دموعهم تسيل
رآآآآحه بقربكم
سعـــــادة تغمرني لمعرفتكم =")

عندما أكون في عالمٍ ضيّق كـ ضيق المكعب
لا أعلم لما تأتين دوماً في البال
مجرد ان أتذكر ابتسامتكِ
تتحول دموعي الى ابتسامه بيضآء
أهناك سرٌ تُخفينه يا " بسمةَ القلب " !
أم بيآض قلبك هو السر ( )

ربّي ما أكرمك
رزقتني " قلباً خجول " يذكرني و أنا لم أُقدّم له الكثير =")
وعدت قلبي بأن أفعل كل ما أستطيع
لأزرع الابتسامه على شفتيك أينما تكونين

و ختامي بـ " الروح " التي سكنتني
باليد التي ملئت الفراغ المستكين بين أناملي
بِـ من تمسح دمعتي بكلماتها
أعلم كم تسعدين بالهدايا و ان كانت بسيطه
أَيكفيكِ بأن أَقدّم .. كُلي .. لكِ كـ هديه !

يُطيل حديثي عنكم
و لكن مشاعري لا تُطيل
فهي لاتقآس و ان نثرت أَحرفي فهي بحقكم قليل قليل قليل

شكراً ربّي لِخلقِكَـ تلكَ القلوب =")



السبت، 22 مايو، 2010

أحبكم آل وجهه ( ) .




و ما الحياةُ بلا صديق !
حتماَ هي كـ كونٌ بلا هواء
كـ عيشٌ ينقصُهُ الوفاء

منهم من رحل ومنهم من بقي
تربّع في حنايا القلب
واخذ حيزا لا يستبدل بـ غيره
لا اعلم ما تقوم احرفي بـ نثرِه
فهناك من المشاعر الكثير الكثير

احبكم في الله آل وجهه ( )







* ايش الحياه بدونكم يا بنات وجهه قولولي = ') ( )
الله لا يحرمني منكم 



 
( جنى , مرام , شهلا , لميا )
اعرفهم من فتره واحس انهم بغيرون لطوف 180 درجه للافضل
و كل بنات وجهه والله لكم بالقلب محبه غير غير غير مهما قربتو والا ابتعدتو ماتتغير بـ اذن الله 


الجمعة، 21 مايو، 2010

استرخــآء ( ) .



دَوِّن همومك على وَرَقْ
و اصنع سفينه .. دعها تُبحر
تتمايل مع نسمات الرياح مودّعه
حتى يتلاشى سرآبها بلا عوده
و ابتسم .. أَرِح قلبك و اهدأ
و انظر الى الأعلى - أغمِض عينيك
احبس الهواء داخل جنبات صدرك
و  اطلق العنآن لكل ضيق يكتمه
و تنفّــــس
  استرخي  
حينها سـ تشعر بأنك تحلّق الى الأعلى
الحمد الله .. كل لحظه في حياتنا نِعَمْ و ان كانت في ضيق
فهي بلا منازع حِكَمْ نتّعظ منها
فـ احمدو المولى سبحآنه =')

السبت، 15 مايو، 2010

حااادث ..




يوم الاحد الساعه 9 ونص الصبح

وانا بالطريق للكليه

و كـ عادتي اقوم متأخر وبسرعه بسرعه وما ألحق افطر

اخذلي اي شي جاهز و كوب كافي او " شاي حليب  " و طيران عالسياره

المهم ,, و احنا بالطريق وانا على برود اكل البسكوت و حاطه الكوب بالمكان المخصص له

فجأه !!!

السواق يمسك بريك قووووي و يصقع بالسياره اللي قدامنا

سيارتنا ارتفعت من ورا ( من جهتي )

الكافي حقي طار قدام و انكب على يد السواق

انا 

و السواق من الصدمه ما حس بحرارة الكافي و هو ينكب

الدقايق هذي اللي مرت علي من جد حسيت فيها بنعمة الصحه بشكل كبيييير مره مره

و احمد ربي طوول الوقت

انا مجرد حكّت رجلي بالكرسي اللي قدامي و ما ألّمتني مره

بس قعدت افكر طول ما انا بالكليه

لو كانت الصدمه قويه !

لو انكسرت رجلي وما قدرت امشي مره ثانيه !!

لو انتهت حياتي !!!



 
هل انا قدمت لربي شي افتخر فيه  ؟؟؟

مهما قدمت ومهما سويت ومهما و مهما

ماراح يوصل لشي افتخر فيه


 
موقفي خلاني اقدر نعمة الصحه

اقدر نعمة الوقت اللي يضيع بدون فايده

اقدر اشياء كنت غافله عنها


 

الحمدالله يارب الحمدالله على الصحه و العافيه

الحمد الله على نعمك اللي ماتعد ولا تحصى



اغاني !! ..




شي من جد يفتق العقل =\

يكسرون خاطري الناس اللي كذا

والله خاااطري بس اعرف شلون يفكرون ؟





خصوصا اللي بالصبح

الناس تقول اذكار الصباح تحط شريط قرآن تسمعه او اناشيد

اذاعه مافيها موسيقى

والله بعض الاذاعات يقولون كلام يفتح النفس

اذا ماعجبك كل هذا

لاتحط شي =\





يعني فكرو معاي

الحين لما الشباب او البنات الله يهديهم

يركبون السياره و يحطون شريط الاغاني ويعلوون الصوت

كل اشاره يوقفون فيها كم اثم بياخذون !!!

يعني مو بس اثمهم واثم الولد او السواق

اثم كل شخص يسمع اللي هم حاطينه =\

والله قهر يجمعون كل هالاثام





يعني معليه تبيـ\ـن تسمعين سمعي بس قصري الصوت سكري الشبابيك

تبين الصوت عالي حطي سماعات

انا ما ابي اعطيكم طرق تسمعون فيها الاغاني لا

ابي و ودي اني معاكم خطوه بـ خطوه تقطعون هالعاده =)

انا مو ملتزمه " مطوعه " و لي الفخر لو كنت ملتزمه

لكن ما احب الاغاني وصارلي فتره قاطعتهم

ماقدرت اقطعهم فجأه !

كل شي بالتدريج

يوم عزّمت ابتعد عن الاغاني

حملت اناشيد فيها ايقاع

بعد ماتعودت عليهم

حملتهم بالمؤثرات

بعدين صرت احملهم بدون شي

وبعضهم والله احلى بمليون مره اذا كانت بدون مؤثرات و بدون ايقاع

 

* ما اقول اني ما اسمع ابد ابد لان بعض البرامج تحتوي مقاطع موسيقيه
بس اقصر عليها و الاغاني ما صرت احطها ,, الحمد الله =)


تخيلو معاي يا اخواني وخواتي

لو انكم كل يوم الصبح

تركبون السياره

وتحطون قرآن او ادعيه او اناشيد هاديه و تروق

كل اشاره توقفون عندها

ان شاءالله الناس تدعي لكم و تبتسم في وجهكم =)

كذا تبدلون اثامكم حسنااات

وكل حسنه بعشر امثالها

حتى لو تلف وجهك وتبتسم للي جنبك وتسلم

انا عارفه ان هالشي صعب او ثقيل على الكثير منكم

لكن يوم بعد يوم بكون اسهل من شرب الماي

وانا عارفه ان بعض الشباب اذا احد غيرهم سوالهم هالشي

بقولون " صج فااااضي ,, شييبي هذااا ..... الخ "

لكن لما انت تسوي كذا

وغيرك يسوي كذا وكل واحد يسوي كذا

صدقوني بتحسون برآآحه

راحه عظيمه

=")









اتمنى تشاركوني برايي و تنقدون او تتحاورون معاي بخصوص هالشي

و اخر شي اتمنى ان كل شخص يشوف ناس من هالنوعيه

يقول ( الله يهديكم )

دعوه مني و دعوه منك ان شاءالله تهديهم   











ابتسم =) ..



قال صلى الله عليه و سلم :: [ تبسمك في وجه اخيك صدقه  ]



ابدي يومك بـ ابتسامه
ابدي كل شي بـ ابتسامه

شي جدا جميل وماياخذ وقت ابدا يمكن ثانيتين !
و مريح للاعصاب مره

اذكر يوم كنت في سنه اولى كليه
كانت دكتورتنا تقولنا عن هالموضوع
وليه بنات الكليه مايبتسمون لبعض !
قالت انا عارفه ان اذا ابتسمتي لوحده ماتعرفينها
اول شي بتقعد تشوف لبسها و تمسك شعرها وتقول حق صديقتها فيني شي غلط     !!
بعدين بتقول " شتبي هذي     !!  "
او بتقولك " خيير في شي    !! "

قالت وليه البنات كذا ؟
لو انتي تبتسمين لهذي و ذيك تبتسم لغيرها
بتتعودون على هالشي
اخر شي قالت ابغاكم هالاسبوع تبتسمون للبنات وتشوفون ردة فعلهم
وبعدين تقولونلي 


طبعا اللي بايعه نفسها تبتسم لكل بنات الكليه
خصوصا الفئه المرعبه " البويات " 
لكن البعض تبتسمين لهم غصب عنك =)

بعدها قعدت افكر بكلام الدكتوره و مابقت فكره مابغيت اسويها
ونفذت القليل .. الحمد الله
سويت برزنتيشن عن الابتسامه
تكلمت عنها و عطيتهم فكره خفيفه وسهله
ان كل بنت ترسل لو جمله وحده حلوه و توحي للابتسامه للي عندها بالجوال
مابين فتره و فتره
بكذا مو بس راح تخليهم يبتسمون
الا بتاخذ اجر كل وحده =)

شي جميل جدا و ياليت اللي حبّت الفكره تطبقها 
انا عن نفسي طبقتها الاسبوع اللي فات 
ونستنى الإفراج عن الجوال عشان نكمل المسيره

*فاصل يقهر شوي --" 
  رسلت سواقنا يجيبلي شحن موبايلي وجابلي شحن زين
قهر صح !
فـ المعذره و السموحه يا تبع " ومضات ريشه "
في جعبتي الكثير ولكن الرصيد رايح فيها   
^
^
اكتب هالفاصل واضحك على نفسي
زهايمر قبل النوم معليه


* نواصل 
و انا اتكلم مع البنات عن الابتسامه
سئلتهم سؤال .. هل راح تبتسمين لـ بنت مسترجله " بويه " ؟
و كانت ردود البنات مضححكه بصراحه
اذكر وحده منهم  قالت بحط رجلي و بشررررد

البنات حتى لو كانو بويات ترى بعضهم قلبهم طيب
و يبين عليها
يعني لاتظلمون الكل بما يسمى " بالشراسه "
ابتسمي .. ابتسمي .. ابتسمي

 

ابتسمتي !!
حلوه الابتسامه عليك 


اول كتاب قريته كامل كان اسمه " الابتسامه تصنع المعجزات "
كان فيه اشياء مرررره جميله
و كلام يخليك جد جد تبتسمين من قلب
كنت اذا ضاق صدري
افتح على مقاطع معينه اقراها و ابتسم =")
اذا حسيت ان احد كان متضايق
اكتب الكلام و ارسله له
و اتوقع اني عطيته لوحده من صديقاتي 


الابتسامه شي عجيب
غير انها بكل مره تبتسمين لوحده راح تاخذين اجر
البنت نفسها بتدخلين قلبها وبترتاح لك
شي طبيعي انك ترتاحين لبنت مبتسمه !!


الاسبوع اللي فات صارلي موقف بالكليه
حسسيت اني طررررت السما من الفرح

كنت رايحه اقعد براا الكليه عشان اقرا
و انا امشي اشوف عامله من العاملات تطالع فييييني
قمت وابتسمت لها
ردتلي بـ ابتسامه
ايش تشرح الصدر
والله عجيبه .. بعدها مو بس ابتسمت الا قعدت اضحححك
وهي مازالت تشوفني ومبتسمه
قعدت برا يمكن 5  او 10دقايق وقلبي يطق ومبتسسسمه من هنا لي هناك
حلوو مره لما تبتسمين لوحده وتردلك بـ ابتسامه احلى 


طولت بكلامي
و لكن اخر اللي ابي اقوله ابتسمو ابتسمو ابتسمو
المنفعه لكم وماراح تخسرون شي !








( الابتسامه هي اللغه التي يفهمها كل شعوب العالم )

فلا تحرمون نفسكم الاجر و اللذه 






و انتهى يومي بـ ابتسامه  
الحمد الله ( )


احتاج .


احتاج الى الكتابه احتاج الى الخيال
لا كـ حاجتي للماء لا كـ حاجتي للهواء
و لكن احتاجه كـ الأنا
كـ ذاتي
لأرخي اثقال حياتي
أُبحر ليس للبعيد ولا للقريب
أهيم بين الغيوم  .. سحر النجوم
يسعدني ذكر الحبيب
سبحانه ( )

احتاج الى الكتابةَ لا في ألم !
احتاج ان أُسطّر احرفي في سماء
في عالم أُبحر به في الفضاء
احتاج احتاج احتاج
أن أُمرِّغَ خدي بين الغيوم
أن اداعب الشمس حتى تنام و يأتي بعدها القمر المرسوم
مبتسماً بين اكوام النجوم

هل أَضَعت مفتاح حاجتي ؟
لعلّي اقفلت عليها و من ثم اخرجت المفتاح و ابتلعته !!!

الثلاثاء، 4 مايو، 2010

ليتهم يعتذرون ..


يأكلوننا بأعينهم
ينهشون جلود وجهنا
و كـَـأنّنا نحن المذنبون بحقهم !

استغلُّـونا .. وتناسينا خطاياهم 
نفاقاً عاملونا .. تغافلنا و سامحناهم
و لكن
ليتهم يعتذرون !
ليتهم لا بـ عَينْ الكُره إلينَا ينظُرون 
و كأننا استحلنا امامهم من صديق الى عدو
من " ظل " ظليل الى سرآب !
تعلمين بأنني أُخاطبك
و مازلتي تتغافلين 
أَتحسبين بهذا الحب ستنعمين ؟
إبقي في سبات حتى يأتي اليوم الذي يوقظك فلن تعودي تحلمين
بعدها صدّقـينِي سَتسعدين

أين عقلكِ و أين عقلها !
كفاكم كفاكم
متى سَيحين موعد استيقاظكم  .. كفاكم

يا للعجب
دنيا آخذة للانحدار
من انحدار إلى انحداااار  !!!
تحمّلناها من البعيد و نتلقاها اليوم من القريب القريب !
و تنحدر .. و لكن الاتقياء في صعود
أصابَ قلبهم الجمود
فلا مشاعر دنيويّه  .. فـ دُنيانا رديّه

ليتكم تعترفون
فـ تعتذرون
قلوبنا تسامح بما كنتم تعملون
ان كان ربنا  .. رب الكون يغفر يرحم و يستر
فـ إن لم نُسامح فمن نحن و من نكون !!!